MP4

MP4 is a Video-Containafoamat, des vo dea MPEG fia MPEG-4-Inhoide voagseng und in ISO/IEC 14496-12 und -14 (MPEG-4 Teil 12 und 14) standardisiat woan is.

Des MP4-Dateifoamat basiad af dem Apple-QuickTime-Dateifoamat. Beide Foamate organisian Mediendatn in hierarchischn und sequenzielln Datneiheitn. De Einheitn hoasn „Atome“, und aa deren TYPE-Bezeichna (moov, trak, mdia, minf, stbl etc.) san identisch. Sie kön a Vuizoi unteaschiedlicha Medientypn afnehma und mid Strukturinformationa und derenObhängigkeitn speichan.

In MP4-Datein kön multimediale Inhiode in Foam vo mehran Audio- und Videospurn sowia Untatitl, 2D- und 3D-Grafikn obgspeichat wean. De Inhiode lossn se dann mid Huife geeigneta Software lokal obspuin oda iba a Netzwerk streama.

Allerdings is es ned iblich, olle vafigborn Foamate in MP4 eizuabindn, um a Kompatibilität zwischn vaschiedena Anwendunga gewährleistn zua könna, obwoi des duach „private“ Kennzeichnunga (Flags bzw. Atoms) theoretisch meglich wär. De MPEG hod den Containa deshoib af fooigende Foamate beschränkt:

1. Video: MPEG-H Part 2 (HEVC/H.265) MPEG-4 Part 10 (AVC/H.264), MPEG-4 Part 2, MPEG-2 Video und MPEG-1 Video
2. Audio: MPEG-4 Part 3, AAC, MP3, MP2, MP1
3. Buida: JPEG, PNG
4. Grafik und Text: BIFS (z. B. können Untatitel in dieses Format umgewandelt werden)

De ATSC hod aa AC-3 fia den mp4-Containa spezifiziat, aba MPEG untastitzt den Codec offiziai ned.

Oidanative Containafoamate san AVI, Matroska und Ogg Media.